ጸሓፊት

ነሓሰ 25 2017

ጸሓፊ ምዃን ሓሳብ ምውላድ ማለት’ዶ ይኸውን፧ ፌስቡክ ካብ ዘይኣቱ ኣርባዕተ መዓልቲ ቀሪበ ኣለኹ መስለኒ። ጥቕሚ ተኸታተልቲ ናይ ጽሑፋትካ ምህላው ብቀጻሊ ክትጽሕፍ ዝድርሕ ዓቢ ረቋሒ ምዃኑ በሪሁለይ ኣሎ። ወላ’ቶም ካብ ነቀፌታ ጸርፊ ክትብሎ ዝሓይሽ ርእይቶታት ዝጽሕፉ ጸሓፍቲ። እንታይ’ሞ ይገበር፧ ንዕስራን ሓደን መዓልታት ዝጸንሕ እገዳ ኣለኒ። መን ኣጊዱኪ፧ ባዕለይ ንባዕለይ። ከመይ ኣቢልኪ፧ ዲሲፕሊን ስለ ዝወሓደኒ። ነዚ ሕጊ ከፍርሶ ይኽእል’የ ግን ኣብ ርእሰይ ዘለኒ ክብሪ ከይትንክፍ ዝያዳ ስለ ዘገደሰኒ ኣየፍርሶን’የ። እዚ’ዶ ይኸውን ምስጢር ዲሲፕሊን፧ ስለምንታይ ገለ ሰብ ሰጥ ኢሉ ክሰርሕ ከሎ ገለ ድማ ሓላፍ ዘላፍ ዝኸውን፧